Edozein zuzendaritzaren erronka nagusienetako bat zuzentzen dituzten aktiboak era egokian zelan antolatu zehaztea da; bezero, akziodun eta gizartearentzat ahalik eta emaitza hobeak lortzeko.

Emaitzen lorpena hurrengo elementu hauen kudeaketak baldintzatuko du: pertsonen arteko harremanak, funtzio eta erantzukizunen definizioa, baliabideen lehenestea eta esleitzea eta eragiketak gauzatzeko orden logikoaren zehaztea.

Halaber, lortzen ditugun emaitzak neurtzeko eta emaitzen arrazoiak kontrolatzeko modua etengabeko hobekuntza gauzatzeko oinarria da.

Prozesuen araberako kudeaketa egiten duen enpresak, kanpoko nahiz barruko bezeroarentzako balio erantsia lortzeko helburua izango du.

Funtzioek erantzukizun mota, espezialitate eta ezagutza arloarekin zerikusia daukate: adibidez, funtzio komertziala edo zuzendaritza funtzioa.

Prozesu batek bezeroak nahi duen produktu edo zerbitzua ekoizteko beharrezkoak diren funtzioak bateratzen ditu. Beraz, interes taldeek nahi dituzten emaitzak lortzeko beharrezkoa da funtzio ezberdinak koordinatuta egotea.

Antolaketa eredu hau, bere jarduerara mugatzen ziren langile espezializatuez osatutako sailen bidezko antolaketaren bilakaera bat da. Prozesuen bidezko kudeaketa egiten duten enpresetan, emaitzen lorpena eta bezeroen beharrizanak kontutan hartzen dituzten langile balioanitzdun lan – taldeak dira nagusi, prozesuaren ikuspegi zabala eta helburu komunak dituztenak.

Acorde Consulting-ek zuzendaritza – taldeari sostengua eskaintzen dio erakundearen antolaketa interesei ahalik eta hoberen egokitzeko. Halaber, prozesuen identifikazioan parte hartzen du eta era sistematikoan kudeatu daitezen, prozesua dokumentatzeko eta neurketa adierazleak identifikatzeko jarraibideak eskaintzen ditu; guzti hau etengabeko hobekuntzaren ikuspegiarekin.